Kuirau Park Sulphur Lake
Ka timata mai Te Reo Irirangi o Te Arawa (TRIOTA) i ngā tau 1980, i te whakaaro nui o Te Arawa Māori Trust Board. I te Noema o te tau 1990 ka mana te tarahiti o Te Reo Irirangi o Te Arawa ki raro i Te Ture Tākoha Tarahiti. Ko te rā tuatahi o te pāhotanga o Radio Te Arawa i te 25 o ngā rā o Noema i te tau 1991. I te tau 1992, ka mana ko Te Rūnanga Nui o Te Arawa hei rōpū pupuri i ngā raihana pāpāho o ngā iwi me ngā hapū o Te Arawa Waka. I te tau 1993 ka timata ko Whanau FM. I Te Reo Irirangi o Te Arawa ngā iarere e rua i te tau 1998 ka timata a Pumanawa FM, ka riro hoki tētehi iarere ki a Mai FM. Nā wai rā ka timata ko Te Arawa FM.
Ko ngā mema tuatahi o te poari o TRIOTA ko Don Bennett (Heamana), ko Sam Gardiner, ko John Daley, ko Kath Taiatini rātou ko Anaru Rangiheuea.
Ko te poari tuarua ko Don Bennett (Heamana), ko Cathy Dewes, ko Te Poroa Malcolm, ko Toby Curtis rātou ko Winsome Emery.
I te tau 2016 ka panoni te Manawhirinaki o te Tarahiti ki te kopou i ngā tūru mema poari mai i ngā rohe Tupuna e toru e ōrite ana ki te Poari o Te Arawa Lakes Trust, arā, Kawatapuarangi, Tūhourangi Rangitihi me Te Ure o Uenukukopako. E toru atu anō ngā tūru i whakatūria mai ai, mai i ngā rāngai reo Māori, ko ngā Kōhanga/Whare Kōhungahunga, ko ngā Kura Kaupapa Māori, ko ngā Manuhiri hoki.
Ko te poari tuatoru ko Cathy Dewes (Tūhourangi Rangitihi-Heamana), ko Tony Pecotic (Ngā Kōhanga/Whare Kōhungahunga), ko Haimona Gardiner (Uenukukopako), ko Kereama Wright (Ngā Kura Kaupapa), Winsome Emery (Kawatapuarangi), ko Kristin Ross (Manuhiri).
Ko te poari tua whā ko Roihana Nuri (Tūhourangi Rangitihi-Heamana), ko Kahurangi Milne (Ngā Kura Kaupapa Māori-Heamana Tuarua), ko Muriwai Ihakara (Kawatapuarangi), ko Tiffany Hicks (Ngā Kōhanga/Ngā Whare Kōhungahunga), rātou ko Raimona Inia (Uenukukopako).
Ko te poari o te wā nei, ko Rawiri Waru (Tūhourangi Rangitihi-Heamana), ko Kahurangi Milne (Ngā Kura Kaupapa Māori-Heamana Tuarua), ko Tiffany Hicks (Ngā Kōhanga/Ngā Whare Kōhungahunga), rātou ko Raimona Inia (Uenukukopako).
